နယ်စပ် စစ်ရေးလေ့ကျင့်မှုတွင် စစ်စွမ်းရည်ကို တရုတ်ကာကွယ်ရေးဝန်ကြီးဌာန အသားပေးဖော်ပြ

  မြန်မာ-တရုတ်နယ်စပ်တွင် ငါးရက်ကြာမြင့်ပြီဖြစ် သည့် တရုတ်တပ်မတော်၏ စစ်ရေးလေ့ကျင့်မှုကို ဆက်လက်ပြုလုပ်နေဆဲဖြစ်ပြီး ၎င်းတို့၏ စစ်ရေးစွမ်းရည်များကို တရုတ်ကာကွယ်ရေးဝန်ကြီးဌာနက အသားပေးဖော်ပြလျက်ရှိသည်။
မော်တော်ယာဉ်များနှင့် စစ် သားများရောက်ရှိရန်ခက်ခဲသော တောတောင်ချိုင့်ဝှမ်းထူထပ်ကာ မြင့်မားမတ်စောက်သည့် ဒေသ များတွင် အလွန်အရေးပါသော လေကြောင်း တိုက်ခိုက်ရေးကို တရုတ်ပြည်သူ့လွတ်မြောက်ရေး တပ်မတော် (PLA) တပ်ဖွဲ့ဝင်များ လေ့ကျင့်လျက်ရှိသည်ဟု တရုတ် ကာကွယ်ရေးဝန်ကြီးဌာန ၀က်ဘ် ဆိုက်၌ ဖော်ပြထားသည်။ ထို့ အတူ တရုတ်-မြန်မာနယ်စပ်အ နီး စစ်ရေးလေ့ကျင့်မှုတွင် ရန်သူ့ တည်နေရာအနေအထားကို ရှစ်စက္ကန့်အတွင်း ဖော်ထုတ်နိုင်ခဲ့ ကြောင်းသတင်းလည်း အသား ပေးဖော်ပြလာသည်ကို တွေ့ရ သည်။ ‘‘တပ်မတော်ဟာ ရန်သူကို ဟောင်ဝစ်ဇာ(အမြောက်အမျိုး အစားတစ်မျိုး)တွေနဲ့ပစ်လွှတ် တိုက်ခိုက်မှုတွေမလုပ်ခင်မှာ ရန် သူ့အနေအထားတည်နေရာကို ဖော်ထုတ်ဖို့ ထောက်လှမ်းရေးရေ ဒါက ရှစ်စက္ကန့်ပဲအသုံးပြုခဲ့ပါ တယ်’’ဟု တရုတ်ကာကွယ်ရေး ၀န်ကြီးဌာန ၀က်ဘ်ဆိုက်၌ ဖော်ပြထားသည်။
လေကြောင်းတိုက်ခိုက်မှု တွင်လည်း Zhi-9(Z9) ခေါ်တိုက် ခိုက်ရေး ရဟတ်ယာဉ်များ ပါဝင်ခဲ့သည်။ NATO အစီရင်ခံစာ တွင် Haitun ဟုအမည်တွင်သည့် Harbin Z-9 မှာ တရုတ်အခြေ စိုက်ဟာဘင် (လင်းပိုင်) လေ ယာဉ်ထုတ်လုပ်ရေးကော်ပိုရေး ရှင်းက ထုတ်လုပ်သည့်တိုက်ခိုက် ရေးရဟတ်ယာဉ်ဖြစ်သည်။ ပြင်သစ်ယူရိုကော်ပတာ AS 365 လင်းပိုင်၏ လိုင်စင်ရ ဗားရှင်းတစ်ခုလည်းဖြစ်သည်။ Z-9W အနေဖြင့် တင့်ကားဖျက်ခြင်း၊ အနီးကပ်လေကြောင်း အထောက်အကူပေးခြင်း၊ လက်နက်ကိုင်ကင်းလှည့်ခြင်း၊ အကြမ်းဖက်တိုက်ဖျက်ခြင်းနှင့် တရားဥပဒေစိုးမိုးရေးဆောင်ရွက်ခြင်း အပါအ၀င် ကျယ်ပြန့်လှသည့် လုပ်ဆောင်ချက်များ ဆောင်ရွက်နိုင်သည်။
လက်ရှိ စစ်ရေးလေ့ကျင့်နေသော Z-9 တိုက်ခိုက်ရေးရဟတ်ယာဉ်များတွင် အထူးကင်မရာများ တပ်ဆင်ထားပြီး စစ်သားများအနေဖြင့် ဒုံးကျည်ဖူးများ၏ တိုက်ခိုက်မှုကို မြင်နိုင် သည်ဟုဆိုသည်။
အမှတ် ၁၀၅(၁) နယ်ခြား မှတ်တိုင်မှ အမှတ် ၁၄၄(၄) နယ် ခြားမှတ်တိုင်အတွင်း တရုတ်ပြည် သူ့ လွတ်မြောက်ရေးတပ်မတော် ၏ လေ့ကျင့်မှုတွင်လေတပ်၊ အ မြောက်တပ်၊ လေကြောင်းရန် ကာကွယ်ရေးတပ်၊ ခြေလျင်တပ်၊ မစ်ဆိုင်းဒုံးကျည်နှင့် ရေဒါတပ် အစရှိသည်တို့ပါဝင်ပစ်ခတ်လေ့ ကျင့်နေကြကြောင်း အတည်ပြု သည်။ တရုတ်ကွန်မြူနစ်ပါတီနှင့်တရုတ်အစိုးရ၏ ယူနန်ပြည်နယ်တွင်းရှိ ဒေသဌာနများ၊ အမျိုးသား ကာကွယ်ရေး တပ်စု ဆောင်းပြင်ဆင်ရေး အေဂျင်စီ များနှင့် ပြည်သူ့စစ်အဖွဲ့ဝင်များ လည်း စစ်ရေးလေ့ကျင်မှုတွင် ပါ ၀င်ကြောင်း တရုတ်သတင်းဌာန များက ဖော်ပြသည်။
နယ်စပ်တွင် စစ်ရေးလေ့ ကျင့်မှု၏ ရည်ရွယ်ချက်မှာစစ်တပ် ၏ လေ့ကျင့်လုပ်ဆောင်ချက်၊ ရန်သူ့ဘက်သို့ကင်းထောက်ခြင်း၊ ထိုးစစ်စွမ်းရည်၊ တပ်အင်အားစု စည်းပြင်ဆင်ခြင်းနှင့် ပြည်သူ့စစ် ဆိုင်ရာ အထောက်အပံ့တို့ကိုစမ်း သပ်ရန်ဖြစ်ကြောင်း PLA ချန်ဒူးစစ်ဒေသ ဗိုလ်မှူးကြီးတန်ကျိပင်း (Tang Jibing) က ဆင်ဟွာသတင်းအားပြောသည်။
၁၉၉၇ မတ်လ ၂၅ ရက်က နှစ်နိုင်ငံအစိုရတို့အကြား မြန်မာ- တရုတ်နယ်စပ်ဒေသများ စီမံခန့် ခွဲရေးနှင့် ပူးပေါင်းဆောင်ရွက်ရေး ဆိုင်ရာ သဘောတူစာချုပ်ချုပ်ဆို ထားခဲ့သည်။ ယင်းစာချုပ်အရ အ ဆိုပါနယ်နိမိတ်ကိုဖြတ်ကျော်ပြီး လက်နက်ဖြင့် ပစ်ခတ်ခြင်းမပြုရ၊ နယ်နိမိတ်မျဉ်းအနီး ပေါက်ကွဲစေ တတ်သော ပစ္စည်းများဖောက်ခွဲ ရန်လိုအပ်ပါက အခြားစာချုပ်ဝင် နိုင်ငံကို အနည်းဆုံး ၂၄ နာရီ ကြို တင်အကြောင်းကြားရမည်ဖြစ် သည်။
တရုတ်လေတပ်၊ ကြည်းတပ် ၏ စစ်ရေးလေ့ကျင့်မှုနှင့်ပတ် သက်၍ ဇွန်လ ၁ ရက်က မြန်မာ ဘက် လောက်ကိုင်စစ်ဒေသကို တရုတ်ဘက် လင်ချန်းစစ်ဒေသ တာဝန်ရှိသူများက အသိပေးခဲ့ သည်။ စစ်ရေးလေ့ကျင့်မှုနှင့်ပတ် သက်၍ မြန်မာနိုင်ငံသို့သတင်း ပေးအကြောင်းကြားထားပြီးပြီဟု တရုတ်ကာကွယ်ရေးဝန်ကြီးဌာန က ဇွန်လ ၁ ရက်တွင်ကြေညာခဲ့ သည်။
သို့သော် ကြာမြင့်မည့် အ ချိန်ကာလကန့်သတ်ချက်တစ်စုံ တစ်ရာကို ယခုအချိန်ထိကြေညာ ခြင်းမရှိဘဲ တပ်ဖွဲ့ ၀င်အင်အား မည်မျှပါဝင်မည်ကိုလည်း ကြေညာခြင်း မရှိချေ။
တရုတ်တပ်မတော်၏ လက်ရှိ လေ့ကျင့်ရေး ဧရိယာသည် မြန်မာ အစိုးရ တပ်မတော်နှင့် ကိုးကန့် လက်နက်ကိုင်အဖွဲ့ MNDAA တို့အကြား တိုက်ပွဲများ ဖြစ်ပွားနေစဉ်အတွင်း နယ် ကျော်၍ တရုတ်နိုင်ငံနယ်နိမိတ် အတွင်း လက်နက်ကြီးကျည်များ ကျရောက်မှု နှစ်ကြိမ် ဖြစ်ပွားခဲ့ သော နေရာအနီး အခြေအနေ တင်းမာမှုရှိသည့်နယ်စပ်တွင်ဖြစ် သည်။